Santali story by dasar kaleyan

 

ডৌন-উৗপৗন

-দসার কালেয়ান

[Read online]

কাঁসায় নৌয় পছিম নাখা মিদ আতো তালেঘুটু। অঁডে আথাম তালে দারে তাহে কানতে তালেঘুটু মেনতে তুম কানা। তালেঘুটু আতােরে আথাম রেগেজ ঘাঁরঞজ হড়কোআঃ বসবাস। লেখাসুমুং কিসৗড় হড় মেনাঃকোআ। কংসাবতী কেনেল দাঃই ছি-ছঃ ভাগে ঠিক বায় এম খাতির চাস আরজাওই ভগেঠিক বাং হুয়ুঃআ। অনাতে অঁডেন সানাম ১তমগে রুখৗসুখী নাচার নিধীন গেয়া’ক। দিনৗমদিনগে কৗয়যৗ খীপৗরিঃ গেয়া’ক। আডি জাসতি হাঁডিপৗওরৗহক এয়া। সওতে আঁডেন হড় আডিতেদগে আঁধা-পৗতয়ৗও মেনাঃত্রকোআ । জাহাতে সাঁওতারেনাঃ সানামাঃগে ছিতিবিতিয়া, উতনীও তাহাররে জাগেদারামে সিরজৗওআ। অনাতে গাহির আঁধ-পৗতয়াও খাতির তালেঘুটু আতাে সুমি বুড়হিয়াঃ জিয়নরে মিদ বতরন আডি হাহাড়াঃ ঘটন ঘটাওলেনা।

সুমি বুডহি যুওন বিদৗলরে দাড়মাকাড় জাঁওআয়ে তাহেকানতায়া, ঞতুমতায় গেঁগেল। রেগেজ রেইকিন আডি সুকরেনাঃ যুওন জিয়ন সুলুক ঘাঁরঞজ তাহেকান তাকিনা। যুওন জিয়ন নুনৗঃগে কেটেজ তাহেকান তাকিনা যে, অকয় আর্কিন তালারে ভেপেগেদ বাং’ক সিরজৗও দাড়েকাওদা। সিসিরজৗওইচআঃ এনম লেকাতে বারয়াহপনকিন তাহেকান তাকিনা। মারাংইজ’দ মীয় সলমা আর হুডিঞইজ’দ বাবু সারি। আক আতােরে চেতা ছমছম উৗন। তিরেক মনেয়া উনগে চেতা হড়ক মেলদ গৎ কাকোআ, জমগৎ কাকোআ। অনাতে সুমি আজরেন গিদরৗ জাতে উৗন আল’ক জাঁহা কিৗ দাভেয়ার্কিনমা অনাতে সারা ঘড়িজ সতরে তঁাহেনতে তুনখি তলাসকিনা।

তালেঘুটু আতােরে লদ চেতায় উৗনগেয়া । সুমিরেন গিদরৗ সলমা আর সারি মিৎদিন আডি জাঁককিন রুওয়েনা, জাঁহা'দ বারপে দিনরে রুও বায় দৗড়ে তাকিন তাহে। উনরে সুমি জানপাছান কাতে বাড়ায় এ্যামকেদা যে, লদ হাড়াম মিদিন ওকো-চোকো সলমা আর সারিয় চেরেজলেদ কিনা। অনাতে রুও বায় দৗড়েদ তাকিন তাহে। এনতে লদ হাড়াম’দ সারিগেয় ভৗনগেয়া। অনা খাতির আতাে হড় লদ হাড়াম আডি জোর’ক সাসেত লেদেয়া। হুসিয়ৗর’ক এমাদে তাহে - আর অনকায় কামি লেখান মাগেয়াক গজেয়াক মেনতে। “হায় চাদো, বেচারা লদ হাড়াম অনা ভাবনা ভাবনাতে আচকা বহরে মায়াম রাকাব এনতায়া, সলমা আর সারি আওরি ভাগে ভাগেঃতেগে হানা পুরিয়েনায়। লদ ডৗনে গজএনা, সলমা আর সারি খােঃ-মাদা আজার খনকিন ভাগেয়েনা”।

সুমি অলঃ পাড়হাও বায় বাড়ায়। জাঁওআয়তেদহ অলঃ পাড়হাও বায় বাড়ায় তাহে। এনখান আকিনরেন গিদরী সারি-সলমাদকিন অলঃ পাড়ও হচএদকিন তাহে। হারাতরা মৗয় সলমারে পেড়া’ক লাগাওএন খান লেঞেপেল সারর্সাগুন তালাতে গং কাদেয়াকিন। “মিদ সেনাঃ জালা কিন কটা কাদা”। নতে সারি অকতনাপিত বৌয় বৌয়তে হারা ইদিয়েনা , পাড়হাওহঁয় পাড়হাও ইদিয়েনা।

তালেঘুটু আতাে মাঝি রাগদা মানডি আডি রাটপাটে কিসৗড়া। আথাম খেত হাসা, ধন দুরিব , মারাং মারাং অড়াঃ ওর মারাং মারাং হাড়াে মুরীয় মেনাঃতায়া। অনাতে আডি গরবগেয় আটকার জংআ। মেনখান বেজ তায়দ পেয়াগে হেপনেরা। মারাংইজদক জাঁওআয় আকাদেয়া। তালাইজ হপনেরা সারনা আডিতেদগেয় চরকা। সারি আর সারনা মিদতে ইতুন আসড়ারেকিন পাড়হাঃআ। সারি'দ গিদরী খনগে আডি সত চুরিত আর আয়ােবাবাআঃ কাথারে তনলে তাহে কানা। সারা ঘাড়ি হিনৗনিয়া কামিরে জপড়াওএ কুসিয়াঃআ। সারনাই সত চুরিতানিজে তাহে কানা। মনেরে আডি গাহির দায়া দুলৗড় মেনাতায়া। সানাম হড়াঃ দুকরে দুকঃ তাঁহে, কামি রেহঁয় কামি গড়ঃ তাহে। সারি আর সারনা দিনৗম দিন ইতুন আসড়া হুিজুঃ সেনঃতে হারাতরা মনেরে দুপুলৗড় সৗগীয় দিন-দিনতে কিন আটকার লেদা। মিৎদিন ইতুন আসড়া খন রুওড় জখেজ সারিয়াঃ হারাতরা মনে বােকডােয়েন তায় খান সারনায় কুলি লেদেয়া এ সারনা, হানে কাটিজরে কুলহি ধুড়িরে চেদ লেকাব এনেজ তাহে, সাগেন, ছিতৗ, কাপু, ইঞ আর আম, দিসৗয়েদাম ?

হেঁ, হে, বালিরেনাঃ অঃ দুওর, ধিরি আর ঘাঁস বাহাব উতু আম আর ইঞ বাহু-জাঁওআয়ক সাজাওলাং তাঁহে, হেঁ সে ? সারিয় মেনগৎ কেদা।

দাকায় তাহে। সারনা মেনকাতেয় থিরেনা।

সারিয়াঃ অনা কাথা সারনা আঁজম সাঁওতে আডিয় লাজাওএনা। অনাতে বানাহড় চেৎ বাং লেয় কাতে আপিন আপিন আঁডে খন অড়াঃ সেদকিন মহডায়েনা। সারিয়ঃ কাথা - আম আর ই বাহু জাঁওআয়ক সাজাওলাং তাঁহে। অনা কাথা সারনাআঃ হারাতরা মনে জিউইরে সারা ঘড়িজ দিনৗম হিলৗঃ তাকিজ তাপাকিজএনা। উনখনগে সারনাআঃ মনে জিউইরে সারি লাগিদ দুলৗড় সারসাও সেতেলেন তায়া। সারি সারনা তালারে বানা হড়আঃ কুপুসি তালাতে গাহির সিপিবিল দুপুলৗড় সৗগীয় তেয়ারলেন তাকিনা। দুপুলৗড় নুনৗঃ গাহির লেন তাকিনা যে মিৎ বেড়ারে ঞাপাম তেগে হুযুঃ তাকিন তাহে। বাংখান মনে জিউইগে বাং আপনারঃ তাকিনা।

দিন দিনতে দিন পারমঃআ, মিদ অকত সারি আজ বাবা আডি জোর রুও-হাসাে এতেহব কেদেয়া। রুও জাসতি ইদিয়েন তায়া। রানহঁক আগু আদেয়া, রুও রায় দৗড়লেদ তায়া। ভিতির ভিতিরতে রসমরুও লেতাড়গে তাহেয়েন তায়া। পালেন হড় বাড়িজতেয় নংকাঃ কান, অনাতে সুমি রয়ত অঝা ঠেন সুনুমে পাড়হাও হচ কেদা। রয়ত অঝা ঠেন খন বাড়ায় এামকেদা যে, নােআ'দ হড় বাড়িজ কানা আর ভিটৗহঁক বাড়িজ আকাদা মেনতে। অনাতে সুমি মিদটাং সিম সাঁডি, মিদ বােতােল পৗওরী আর মড়ে সায় কাউডি এম কাতে রয়ত অঝা ঠেন অনা হড় বাড়িজ কাটা-কাটি কাতে ভিটীয় তল আরু হচ কেদা। নতে লেঞেলতে সুমি জাঁওআয় সঁগেল সজহেতেয় রহড় ঝামাট এনা। দাদাকা বাগিকেদা, বায় জম দাড়েয়াদা। গিতিজ আর গিতিজরেগে তাঁহেয়েনা। জিয়ৗও জিয়ৗওতে মিৎদিন সুমি জাঁওআয়তেদাঃ জিইয়ি বাতি ইড়িজেনতায়া। বাবা বঁগাতালায়েন কাথা আঁজম কাতে হপনেরা সলমাই দৗড়হেজ এনা। এগা হপন বােগেসােত রারাঃ তালাতে দুখ’ক হাপাটিঞানা। আতােহড় উনি মড়া আকোআঃ বাড়গে সেদরে ইদিকাতে সারি আজ বাবা সেঁগেলাঃমচারে সেঁগেল’ক জেরেদ হচকেদেয়া, দাহন কাদেয়াক। তায়মতে সারিয় বাড়ায় জ্ঞামকেদা যে, আজ বাবা’দ জনডিস আজারতেগে বগা তালায়েনা।

নংকা কাতে সেঁগেলাঃ জিউয়িবাতি জঁড়িজঃ আতােহড় বাংক বতাও দাড়েয়াদা। অনাতে রাগদা মাঝি রয়তঅঝা আর সারি সাঁওতে আতােহড় আতে মিৎ মারাং অঝা ঝৗপড়ৗঠেনক চালাওলেনা। উনরে উনি ঝৗপড়ৗ অঝা ঠেন আকোআঃ সানাম দুক-সুকক লেয় সদরকেদা। তাড়ক সাবকেদা যে, চেদাঃ সজহেতে রহড় কাতে সেঁগেলে হানা পুরিয়েনা, নিহত জানিজ ভৗনগেক জম আকাদেয়া। ঝপড়ৗ অঝা উম ফারচা কাতে নেয়াম ধরমাতে আজাঃ কামিহরায় এতহব কেদা। ঝৗপড়ৗ অঝায় সুমুন খাড়ি কাতে বাড়ায় ঞামকেদতে আতাে হড়ে মেতাঃকোআ যে, উনিদ উৗনগেক জম আকাদেয়া। হেজ সেটের আকান আততা হড়ক লেয়কেদা যে, অনামাতলে বাডায়গেয়া, মেনখান উৗন’দ অকয় ? উনিম কটাব বাছাওআলেখান আডি নাপায়কঃআ। অনাতে ঝৗপড়ৗ অঝা আর দড়হা কায়তে উৗন কটাব বাছাওএ ধুরৗওএনা। মিৎ ঘড়িজ তায়ম আজরেন বগা খাপায়-খপয়াতে চেৎচক মেতাদে খান আততা হড়ে মেতাঃকোআ – গেল’দ আয়িজ এরা ঠেনগেয় জমহচ আকানা, এনতে সুমিগে উৗন। অনা কাথা আঁজম কাতে মিৎ হড়ে মেনকেদা – তবে উনি সুমিগে উৗন! আর মিং হড়ে মেনকেদা – সারি, আজম কেদাম, আম আয়ােগে উৗন’দ। বাং বিলম কাতে আতােহড় অড়াঃ রুওড় লাগিদ দমেক হীয়-ফৗয়না। হিজুঃ জখেজ ঝৗপড়ৗ অঝায় মেনকেদা - বাংপে পৗতয়ৗঃকান খান আর মিৎ-বার ঠেন লে হচপে। ঝাঁপড়ীআঃ কাথালেকাতে আতােহড় আর বারপে অঝা ঠেন’ক লে হচ কেদা, অনাকাগেক লেয়াদকোআ । এনখান আততা আর পুড়সি হড়ক বাড়ায় এ্যাম কেদা যে, সুমি’দ উৗন কানায় মেনতে, ছুম-ছুম উৗন। সারি আজ আয়াে সুমিহয় বাড়ায় এ্যামকেদা যে, আজ’দ ডীন কানায় মেনতে, আজগে চেতা আয়িজ জাঁওআয়ে জম আকাদেয়া। দুক চেতানরে দুখ এনা। বারজালা উহৗর ভাবনাতে মনে জিউয়ি হড়ম রাপুদ এতইবএন তায়া। নতে উমেরই আডি

25

'৯ Vol-4, Issue-2, 2014 De9b0.3 top)

সতি হয় ইদিন তায়া । “জাঁহায় মিৎ দিন উৗন জালাতে গিদরীয় হােরাে-চোকো বাড়াকিন এহে, তেহে উনি ভীন ১নত ছটিয়ীর এনা"। মেনখান, সারিদ আজ আয়াে ডীন কানায় মেনতে একাল বায় বাতাও দাড়ে লেদ। সুমি উনি ইতেতে আ.তা হড় এগা হপন সওতা খনক ছুড়ীরকেদ কিনা। বাবা সেঁগেলে গজেন খাতির সারিয়াঃ অলঃপড়হন উনরেগে কেদন তায়া। এনতেরেই অলচিকি পাসনাও সেমলেদরেদ জাওগে জপড়াওএ..তাহেনাে। দিনাম এগাহপন হড়দিকুআঃ কামিকিন চালাঃআ। অনা কামি কুড়ীয়তেগে করজ-মটজ জাঁহালেকা সেরমা দকিন জম আচুরা।

নাপায়গে দিন'দ পারমঃ কান তাহে, মেনখান সারি আর সারনাআঃ দুপুলৗড় সৗগীয় আতােহড়ক বাড়ায় ঞামকেদ খান সারনা অড়াঃ হড়তে দমেক সাসেত কেদেয়া। সারনা আজ বাবা মানডি কিসৗড় রাগদা মেনকেদা - যেহিলােঃ সারিসাঁও আর মিৎ ধাওএ ঞেলেয়া , উনহিলৗঃগে মাঃ গজেয়া মেনতে কোত কেদা। সারি দুপুলৗড়রেদ চেদহঁগে বায় বাতাওআ । রগেজ, কিসৗড়, জৗত, ধরম, লাকতিরেয় গুজুওআ, তােওরেহ বায় ভাগাঃআ। অনাতে হারকেত সাসেতরেই সারনা সারি সওএ এ্যাপামা, সুক-দুখ কিন রপড়া। সারি সারনাওআঃ দুপুলৗড় সৗগীয় আতােটলা, পাড়াপুড়সি গটা পাকাড় চাপাটাও এনা! অনাতে সারনাআঃ লেঞেপেল সারসাগুনরে জাগে দারাম সিরজৗও এনা। সারনা বাংক গং দাড়েয়াদেয়া। জহা খাতির রাগদামাঝি আয়িজ হুডি হপনেরা সুখিগে মাড়াংএ গং কেদেয়া। নতে সারনা তাড়াম গডেয় তাহেয়া।

সুমি বুড়হিয়াঃ উমের জাসতি ইদিয়েন তায়া। কামি কাজই নেতারদ বায় গান দাড়েয়াঃআ। মিৎ দিন আকোআঃ বাড়গে লাতার উল বুটীরে উল হালাংএ সেন লেনা। উনরে ভর তিকিনবেড়া মিৎটাং গিদরী উল দারেরে উল কুমডুয় দেজলেনা। আক আতাে তালেঘুটুরেন সানাম গিদরী পিদরৗহক বাড়ায়া সুমি বুড়হিদয় উৗন গেয়া। অনা কাথা দিসৗ কাতে উল কুমডু উনি গিদরৗ আটুপাটু উল দারে খন দন আঁড়গােয়েনতে আডি জাকে দৗড় কেদা। দৗড় দৗড়তে আচকাগেয় দুডুব এনা, খিজুর জানুমে পাটি আকানা। সুমি বুড়হিয় লেয়কেদা-গুজুঃমে, গুজুঃমে, কাঁড়ায়িজ লেকায় দৗড় আকাদা, ওজুঃমে, টয়হাঃ গিদরৗ। খনিক তায়ম উনি গিদরী বেরেদ এনতে জজম জাঁগা গহড়াতে খড়দা খড়দায় দৗড় কেদা। উনি গিদরীআঃ জাঁগা দিন দিনতে ঘাওএন তায়া। অনা তারাসতে আডি জাকে রুওয়েনা। আডিদিনরেহ যথাত রান বাং ঞাম খাতির মিদিন উনি গিদরীয় গজ এনা। উনই উনি গিদরী সুমি বুডহিগেয় জম আকাদেয়া মেনতে আতাে হড়ক বিচৗর-আচার আদেয়া, জানপাছান আদেয়া। আডিগান টাকাহঁক দাড়ম কেদেয়া। নােআ তায়ম যুদি আরহঁয় নংকায়া তবে উন’দ সারি সারিগেক গজেয়া মেনতে সুমিবুড়হি আতাে হড়তেক ধমক আদেয়া। সুমি বুড়হি আডিয় ভাবনায়েনা, বয়স আডি জাসতি হুয় আকান তায়া। অকতরে জম বাং 4াম আর ভাবনা ভাবনাতে লেজং আডি বিমুদরীগেয় ঞেলেনা। আরসিরে আজাঃ রুপ ঞেল কাতে সারিগে আজ উৗন কানায় মেনতে সুমি বুড়হি আজই পৗতয়ৗও এনায়। সারি সাঁওতা সুসৗর সেমবেদকড়াকয় মেতাঃকোআ যে, আজ আয়ােদক উৗন আকাদেয়া মেনতে আর আকিন বার হড়গেক গজ কিনা মেনতে। সাঁওতাসুসৗর কড়’ক মিদিন তালেঘুটু আতাে’ক সেটেরেনা। আতাে হড়ক হহ জাওরা কেদকতে বুঝৗও কোকোআ যে, উৗন মেনতে চেলেহঁ বানুঃকোআ, সারি আজ আয়ােদ উৗন বাং কানায়, নােআ’দ নিছক আঁধাপৗতয়াও কানা। উনরে আততা হড়’ক মেনকেদা- আপেসাঁওতা সুসৗরিয়ৗ আপেয়াঃ সাঁওতা সুসৗরপে, আলে বুঝৗও’দ বাং হুয়ুঃ তাপেয়া। অনকান

কাথা আঁজমকাতে সুসৗরিয়ৗ কড়া’ক চমকাও এনা, বাড়িজ আয়তান ঞেল কাতে সাঁওতা সুসৗরিয়ৗ কড়া’ক ক্রিরেনা।

সারি আডিয় ধিতকৗরেনাঃ। আজথ্রতিকিন সানতাড় দিসম জাহেরখড়খন বাহের সেদ নামল দিসমকিন দৗড়া মেনতে সারি গটা কেদা। আজ আয়ােআঃ বহঃ বাং ঠিক খাতির বায় রেবেন লেনা। য়ু লাগিদ বার চাদো গানরেনাঃ জমাঃ জুটও কাতে সারি একলাগে নামাল চালাঃ রেনাঃএ গটা কেদা। নামাল চালাঃ লাহা মনজুরি সারনা সাঁও ওকো-চোকোয় পামেনা। সুক-দুখ কিন রপড়েনা। সারিয় মেনকেদা - জুরি, ইঞ গাপা নামালিঞ চালাঃ কানা, নাপায়তে তাহেনমে বাড়ে। সারনাআঃ মেং পেড়ে-পেড়েয়েন তায়া, হিডির হিডিমেৎ-দাঃ জরয়েনতায়া। সারি ঠেনে হাডুব এনতে মেনকেদা - দুলৗড় জাহারেগেম চালাঃ ইঞই ইদিতরা কাঞমে, বাংখান অকয় ঠেনচক জাঁওআয়গদ কাঞা। সারি সারনাআঃ মেৎদাঃ জদ জদতে মেতাদেয়া - ঠিকগেয়া জুরি, গাপা তবে অনা টংডাং বৗত জর বাড়ে বুটীরে পায়াঃপুয়ুঃতে সেটেরঃমে, ইঞ নাহাঃ অঁড়ে তালা দিৗ খনিঞ তাগি কামা। সারনা, সারিয়াঃ কাথা লেকাতে উকু-চুকু পায়াঃ-পুয়ুঃতে নেডা আকান ঠাওরে পামেনতে মিৎ উঁডেক, মিৎ তিলমিঞসুক জ্ঞামঃ আঁসতে নামাল দিসম সেদকিন তাড়াম কেদা। সারনাতেক অড়াঃ হড় মােটেগে বাংক বুজ জ্ঞাম লেদা।

সেতাঃ তরা আতােরে চাপাটাওএনা, সারি আর সারনা অকা সেদচকিন আঁগিরেনা! অকারেকিন চালাওএনা অকয়ই বাংক বাড়ায় এ্যামলেদা। সারনা আজ বাবা মাঝি রাগদা মানডি সাঁওতে সানাম আতােহড়ক গটাকেদা সারি-সারনা পাঁজা াম কাতে সাকাম লাতারকিন হুয়ুঃ মেনতে। ভাবনাতে কালঃবালঃ আকান সারি আজ আয়াে চেতানই আড়ি লেকান নাহাচার’ক এতহব কেদা। কুঞরে দাঃ বাংক লাে হচ আয়া, পুখরিরে বাংক তােপাে হচ আয়া, বাংক রড়ায়া।

নংকাগে মিদ জখেজ আতােরেন হড় দমে’ক রুও হাসােঃ কানতাহে। অকয়’দ জনডিস, অকয়দ মেলেরিয়ী, অকয়’দ ভিংও, অকয়’দ আয়াে রুও। মিদবার হড়ক গজ বাজয়েন গেয়া, উনই সুমি বুড়হিয়াঃ উৗন কারধানিগে আতাে হড়ক তেবাঃ মেদ তাহে, উৗনক দস উৗং কেদেয়া। জিউয়ি জালা সুমি বুড়হি সরুসুপুর পুড়সি আতাে সেদ দিৗগেয় দৗড় কেদা। মেনখান পুড়সি হড়ই ঠাও বাক এমাদেয়া। দেহঁগে বায় দিসৗদাড়েয়াঃ কানা। অনাতে মিৎ 4ালাত তালাবৗদ সেদ বাবলা বুটীরে আজাঃ ঘেঁট পটমাতে মিৎ হাপতা লাগিদএ ডেরায়েনা। ঘেঁটরে তাহে কান চাওলে জঁহাতিন উডৗং হেডেজ জম কাতে মড়ে মাহায় তাহে কানা। চাওলে চাবায়েন তায়া। গিদরী সারিয় উয়হৗর কেদেয়া, নামাল চালাঃএ মেতাদে তাহে। হারাতরা উমের খন সুমি দমে নামালে কামি আকাদা। নামাল কামি কামিতেগে সুমি সেঁগেল সালাঃএ উপুরুম লেনা। সুমি হুডিঞরেগে আয়াে-বাবকিন গজ বাগি হটআদে খান হারাতরা উমেরে সেঁগেলাঃ তি সাব কাতে তালেঘুটু আতােতেয় হেজলেনা। আপাবারেয়াঃ ঠিক ঠিকৗন বানুঃতে গিদরৗ সারিয়াঃ উয়হৗরতে মিৎদিন বাবলা বুটী খন নামাল চালাঃএ গটা কেদা। ঝেটবঁগা, ধু-ধু লল সিতুং। জালটা পালটাঃ পছিম নাখা খন পুব নাখা ছৗতৗলি নীয় ঘাট সেদ তাড়াম আকাদা। ঘাট তিয়ােঃত্মে তারাসিনা। উন অকত উতর-পছিম নাখা খন মিদ মারাং নিরমায়া রাকয়ােসি বেঁট ভানডাে হেজ এনতে সুমি বুড়হি সেরমা সেদ’ক ভেরভেরাও রাকাব কেদেয়া। সুমি বুড়হি সরগ পুরি সেদ তিয়ৗঃ লেকায় আটকার লেদা। মেনখান ধারতিরেনাঃ আরি লেকাতে সুমি লাতার সেদগেয় রেনা, ঢাংএনা বাবলা দারেরে। অঁডে খন রাবােড় রাববাড়তেয় রেনা নৗয়বালি হর ধারে রকক দাপা জানুম ঝুড়রে। ঘেঁট পটম ফানডরা বাবলা জানুম দারেরেগে ঢাং আকান তায়া। বালি জানুমরে সুমি বুড়হি বুদ তুকুজ কাতে গজ এনা। বেড়ায় হঁয় ডুজ এনা।

দসার হিলােঃগে সারি-সারনা নামাল দিসম খন সানতাড় দিসম জাহেরখড় তেকিন রুওড় কানা। অকালেকাচ অনা কটাদিন সারি আজ আয়াে কুকমুতে দমেয় জ্ঞাম বাড়া কেদেয়া। সেতাঃ সেতাঃ টেরেন খন আঁড়গাে কাতে তারকেশ্বর বাস টেন্ডরে সাঙ্গ সেনাঃ বাসরে দেজকাতে সানতাড় দিসম সেদকিন মহডায়েনা। তারাসি বার বাজাঃ অকত বাস খন সারগা বাজাররেকিন আঁড়গােয়েনা। ময়রা দকানরে বারয়া গান ঝিলৗপি হেডেম লাড়ু জম কাতে দাঃ ঞ কাতে ছাতৗলি নীয় ঘাট সেকিন তাড়াম কেদা। নীয়রে গনঠেড় কতে দাঃ লিংগিঃ কানা। বেড়াহঁ পছিম সেদএ হাসুড় গৎ আকানা। নীয় গিতিল লল সাঁওতে মেদরে ঝালকাঃ কানা। অয়কৗও আয়কৗওতে নীয়কিন পারমেনা, সারনায় লাহা আকানা, সারিদ তারমরে। সুমি বুড়হিয় তুকুজ গজ আকান ধারে ধারেতে উনহঁ কাহুক আব আকানা । সুমি বুড়হি তুকুজ তাবের তেয় গজ আকানা মেনতে আজরেন হপন-কিমিন সারি-সারনা বাংকিন বাড়ায়া। অনাতে দিসৗ কাতেই বাংকিন উরুম লেদেয়া যে, আজ আয়ােগে কানায় মেনতে। সারিয়াঃ মনে’দ হিদিজলেন তায়গেয়া। আততা সেটেরতে ঞাহামহুম এনাকিন। হররে মিটাংগিদরীকিন ঞাম কেদেখান উনি গিদরী সানামাঃএ লেয়আদকিনা। সুমি বুড়হিগে নীয় ভিড়রে গজ আকানা মেনতে। সারি সারনাহঁক গজ কিনা মেনতে উনি গিদরী ঠেন খনকিন বাড়ায় কেদা। সারি-সারনা বাং রাঃ গােলমাল কাতে ওকোচোকো মনে উরিজ কেটেজ কাতে আমবাবৗসয়ৗ কাড়াং ক্রুতৗত ত্রুত বেড়া আকোআঃ অড়াঃ দুওররেনাঃ জানুম রামফা অর সাহা কাতে অড়াঃ ভিতৗর কিন বলয়েনা। অড়াঃ জবরা ঝলতে পেরেজ আকানা। তপাঃ পারকম বেল কাতে কাটিজ কিন দুডুব এনা। আতােরে চাপাটাওএনা সারি সারনা আতােরেকিন বল আকানা। ঠিক উন অকত মিদ মারাং রিমিল হুডুর বিজলিয়াতে হয় দাঃ জাড়ি এতহব কেদা। আডি ঘড়িজ এ দাঃ কেদা। অকয়হঁ অকা সেদ বাংক ওডােক দাড়ে লেনা। দাঃ আসােড়েন খান তালা আধা দিৗরেগে সারি-সারনা জিউই জালাকিন ক্ষিরেনা। রিমিল ফিড়িক, বােগেসৗত ইপিলক রাকাব আকানা। সটেরেনাকিন ছৗতৗলিয়ৗনীয় ঘাট, জাঁহারে আজ আয়ােয় তুকুজ গজ আকানা ।ঞতরেগে গজ আকান আজ আয়াে পাঁজাকিন ছুটীও লেনা, মেনখান খালি জানুমরেগে কিন পাটিয়েনা। গজ আকান সুমি বুড়হি’দ তােয়ােতেক আতকির আকাদেয়া। সারি হারকেত জিউইআতে সারনাআঃ হবররে হবর কাতে কাটিজে জিরৗঃকানতাহে। বানা হড়গে মেৎ-দাঃ জর আতে মেৎ ইতকিৎ আতে দুখ কিন হাপাটিঞ জং কান তাহে। হায়রে সাঁওতা, সারনা পছিম নাখা সেদ আড়ি হড়াঃ হেঁকাত রড়ে আঁজম কেদা- মাগেয়াব, গজেয়াব, চাটেয়াব মেনতে। সারি-সারনা গগজ আতাে হড়গেক হিজুঃ কানা, নােআ বুঝৗওতে বাংকিন বিলম লেনা। চল জুরি, চল, হিজুঃ কানা’ক, মেন কাতে সারিয় বেরেদ এনা। দিৗ দাঃজাড়িতে নৗয়দাঃ ধের ইদিঃকানা। বাং বাংতে সারি-সারনা তিতি সাপাব কাতে কড়াম কতে দাঃকিন পারম কেদা। পারম সাঁও সাঁওতে ঢল দাঃ হাড় হাড়াও হেজএনা, নীয় চেহেল চেপেল বান এনা। নীয় পুব কাতারে সারি-সারনাতিকিন হরঃ-বাঁদে বডজ কাতে জদ ফারচাঃ কানাকিন। পছিম কাতারে তালেঘুটু আততা হড় সারি-সারনা তিকিন সাকাম লাতার লাগিদ আঁঃ-সার, কাপি, টাংগা সাব আতে’ক কামসাও সেটেরেনা। নয় বানেন খাতির সারি-সারনা বাংক সাব দাড়েয়াদকিনা। আতােহড় গগজ খন সারি-সারনা কঁৗসীয় নীয়ে বাঁচাও কেদকিনা। লেবিনা। মাঃ-দলে মাঃবিন গেয়া।

আদ তিসহ বাংবিন হিজুঃআ, উন হিলােঃলে ঞেলবিনা।নংকা নৌয় পছিম কাতারে তিও কাতে আতাে হড়ক হেঁকাত কেদা। অনা কাথা সারি-সারনাআঃ লুতুররে তাকের হেজএনা! হড়ম রুমুয়েন তাকিনা। দিৗ পে টাড়াং বাজাঃ কানা। পুব নাখাসেদ মােলােঃ চাঁদো মুলুজ মাছা উঁদা তাতেয় রাকাব আকানা। সারি উনি চাদোয় উদুঃ কাতে সারনায় মেতাদেয়া- হানি এলেমে জুরি, চাঁদোয় রাকাব আকানা, চললাং অনতেগে। ঘেঁট-মট হেরমেদ কাতে পুব নাখা সারগা বাজার সেকিন তাড়াম কেদা। পাড়াওসি আতােকরে খন সিমরাঃ আঁজমেনা, সেতা ভােঃহঁ আঁজমেনা। সারগা বাজার তিয়ােঃ তিয়ােঃতে বেড়ায় রাকাব এনা! অঁডে খন সি.কে রােড সেদতে আরামবাগ তারকেশ্বর সেনাঃ বাস সাব কাতে আর নামাল সেদগেকিন এিরেনা। নামালরেগে সারি-সারনা পুখরি পাড়রেকিন বাসকেদা, দিসম আনাকিন । সারি-সারনা সানতাড় খুনকিন ইটাং-জাভাং এনা। নতে সানতাড় দিসম জাহেরখড় কাটিজরেহঁ উজৗড় এনা, নংকা কাতে উজৗড় ইদিঃ কানা ।